Ráðgjöf og stuðningur

Ráðgjafa- og stuðningsviðtöl

Ágústa Kristín Andersen, hjúkrunarfræðingur og forstöðumaður Takts

Í Takti er er boðið upp á hjúkrunarráðgjöf, sem innifelur mat á þjónstuþörf og aðstoð við gerð endurhæfingaráætlunar. 

Ráðgjafaviðtöl fara fram hjá Takti í Lífsgæðasetri St. Jó í Hafnarfirði eða í gegnum síma eða fjarfundarbúnað. Félagsfólk í Parkinsonsamtökunum getur pantað tíma hjá Ágústu með því að fylla út formið hér fyrir neðan. Í framhaldinu verður haft samband og fundinn viðtalstími.
Ráðgjöf hjá Ágústu er félagsfólki að kostnaðarlausu.

Skráning í viðtal hjá Ágústu hjúkrunarfræðingi

María Rúnarsdóttir, félagsráðgjafi

Parkinsonsamtökin eru í samstarfi við Maríu Rúnarsdóttur, félagsráðgjafa. Hún starfar hjá Samskiptastöðinni, Skeifunni 11a.

Boðið er upp á stuðningsviðtöl fyrir einstaklinga, hjón/pör og fjölskyldufundi, ráðgjöf og stuðning um félagsleg úrræði og réttindi. Ekki skiptir máli hvar í ferlinu einstaklingur eða fjölskylda er stödd þegar pantað er viðtal.

Viðtöl við Maríu fara fram á Samskiptastöðinni í Skeifunni 11a eða í gegnum síma eða fjarfundarbúnað. Félagsfólk í Parkinsonsamtökunum getur pantað tíma hjá Maríu í gegnum samtökin með því að fylla út formið hér fyrir neðan. Í framhaldinu verður haft samband og fundinn viðtalstími.
Verð: 15.000 kr. fyrir félagsfólk.

Skráning í viðtal hjá Maríu félagsráðgjafa

Facebook hópar

Ungt fólk með parkinson

Á Facebook má finna hópinn Ungt fólk með parkinson sem var stofnaður til að tengja saman ungt fólk með parkinsonsjúkdóminn. Hópurinn var stofnaður með aðstoð Parkinsonsamtakanna er nú sjálfstæður og í höndum Hönnu Vilhjálmsdóttur og tengist því samtökunum ekki á neinn hátt. 

Hópurinn hefur verið starfræktur frá árinu 2016 og er markmið hans að ná til yngra fólks sem greinist með sjúkdóminn, skapa vettvang til að spjalla saman og deila reynslu sinni í baráttunni við parkinsonsjúkdóminn. Einnig hafa verið reglulegir hittingar meðal meðlima þessa hóp utan Facebook.

Taugalíffræði pælingar

Í Facebook hópnum Taugalíffræði pælingar eru ýmsar pælingar um taugalíffræði, parkinson, alzheimer, MS, heilann og fleira. Þar má finna mikið af upplýsingum um nýjar rannsóknir á taugasjúkdómum. Hópnum er ekki stjórnað af Parkinsonsamtökunum heldur er þetta sjálfstæður hópur sem er stjórnað af áhugasömum leikmanni á þessu sviði. Eins eru aðrir áhugasamir hvattir til að deila greinum, en lögð er áhersla á íslenskar endursagnir greinanna, eða beinar þýðingar.

Félags- og lögfræðiráðgjöf ÖBÍ

Á skrifstofu ÖBÍ býðst öryrkjum, fötluðu fólki og aðstandendum ókeypis ráðgjöf félagsráðgjafa og lögfræðinga um réttindamál. 

Nánari upplýsingar má finna á heimasíðu ÖBÍ.