Um Parkinsonsamtökin

Parkinsonsamtökin á Íslandi voru stofnuð 3. desember 1983 og er markmið þeirra að:

• aðstoða sjúklinga og aðstandendur við að leysa úr þeim vanda og erfiðleikum sem sjúkdómnum fylgja.
• dreifa upplýsingum, veita fræðslu og styðja við rannsóknir vegna parkinsonveiki.
• vera vettvangur umræðu um sameiginleg vandamál félagsmanna.
• halda reglulega félagsfundi til skemmtunar og fræðslu.
• gefa út rit félagsins og halda úti vefsíðu til að miðla upplýsingum og fræðslu.

Parkinsonsamtökin starfa um land allt en Parkinsonfélag Akureyrar og nágrennis starfar á Norðurlandi. Til að koma til móts við félagsmenn sem búa á landsbyggðinni er fræðslufundum og ráðstefnum streymt beint á netinu. Hægt er að horfa á upptökur af fræðslufundum á YouTube síðu samtakanna. Sumir viðburðir fara fram í gegnum fjarfundarbúnað en hægt er að sjá alla viðburði samtakanna í viðburðadagatalinu.

Hjá samtökunum er hægt að leita upplýsinga og fá stuðning. Á heimasíðunni er t.d. hægt að lesa nýjustu fréttir, sækja æfingaáætlanir, gerast félagi og senda minningarkort.

Fjármögnun Parkinsonsamtakanna byggist á félagsgjöldum, minningargjöfum og styrkjum frá einstaklingum, fyrirtækjum og opinberum aðilum.

Parkinsonsamtökin eru til húsa í Setrinu, Hátúni 10, jarðhæð. Skrifstofan er lokuð tímabundið vegna COVID-19 en hægt er að hafa samband í s. 552-4440 eða með því að senda tölvupóst á netfangið: parkinson@parkinson.is.