Mín markmið - æfingar í apríl 2020
Þá er furðulegasti apríl sem ég man eftir genginn í garð. Allar líkamsræktar stöðvar lokaðar og allir æfingatímar komnir í dvala.
Nú reynir á sem aldrei fyrr að hugsa vel um sig og skipuleggja sig betur.
Æfingarnar í apríl eru stuttar, einfaldar og nýja æfingu er að finna á hverjum degi. Þær eru þannig uppsettar að einungis er gerð 1x 10, 20 eða 30 endurtekningar af hverri æfingu.
Hægt er að BREYTA dagatalinu í FULLA ÆFINGU með því leika sér að dögunum 1-30.
Það er góð regla að byrja æfinguna alltaf á æfingu dagsins og búa svo til einhverja reglu úr tölum, vikunni eða ákveðnum dögum.
2 lotur af laugardeginum 4. apríl
2 lotur af fimmtudeginum 9. apríl
og enda svo á 4 lotum af sunnudeginum 26. apríl o.s.frv.
eða skrifa niður 10 handahófskendar tölur
eða taka 4 hringi af öllum fimmtudögum mánaðarins.
Möguleikarnir eru nánast endalausir.
Hér er hægt að sækja prentvænt útgáfu:
Ef þið hafið einhverjar óskir eða fyrirspurnir um æfingarpakka sendið þær þá á: sigurdur@styrkurehf.is
Mbkv. Sigurður Sölvi Svavarsson