Hjólagleði – tökum á móti Einari og Hartmanni

Föstudaginn 29. maí kl. 12:00, tökum við hjá Parkinsonsamtökunum og Takti á móti hjólreiðagörpunum Einari Guttormssyni og Hartmanni Guðmundssyni á 3. hæð í Lífsgæðasetri St. Jó í Hafnarfirði – og við viljum endilega sjá þig á staðnum!

Einar og Hartmann hafa nú lokið ótrúlegri 3.500 km hjólaferð frá Seattle til Phoenix í Arizona. Þeir hjóluðu leiðina á 37 dögum á venjulegum hjólum (ekki rafhjólum) og samanlögð hækkun ferðarinnar var um 36.000 metrar – sem jafngildir fjórum Everest-tindum. Ferðin var farin til að vekja athygli á Parkinsonsjúkdómnum og safna fyrir nýjum æfingatækjum í tækjasal Parkinsonsamtakanna.

Komdu og fagnaðu með okkur og frábærtu framtaki Einar og Hartmanns í þágu okkar allra.

Söfnunin er enn í fullum gangi

Styrkupphæðin rennur beint í endurnýjun á æfingatækjum fyrir Takt. Verið er að safna fyrir nýjum tækjum sem eru einföld og þægileg í notkun – tengd gervigreind sem tryggir að hvert tæki sé rétt stillt fyrir notandann, að æfingin sé gerð rétt og með réttri þyngd. Þetta er bylting fyrir þjálfun fólks með Parkinson.

Hagnýtar upplýsingar

  • Hvenær: Föstudaginn 29. maí kl. 12:00
  • Hvar: Lífsgæðasetur St. Jó, Suðurgata 41, Hafnarfirði
  • Hver: Félagsmenn Parkinsonsamtakanna hjartanlega velkomnir

Til að við getum áætlað fjölda gesta biðjum við þig vinsamlegast um að skrá þig á skráningarforminu hér að neðan.