Stundaskrá - Haustönn 2025

Prenta stundaskrá - PDF

Ath! Það er nauðsynlegt að skrá sig í alla tíma í Abler-appinu til að tryggja sér pláss í tímunum. Allir félagsmenn í Parkinsonsamtökunum geta skráð sig í opna tíma sem eru merktir með stjörnu í stundaskránni. Hins vegar er forsenda þess að skrá sig í aðra tíma sú að vera skráð(ur) í þjónustu hjá Takti. Ef þú hefur ekki aðgang að Abler, vinsamlegast hafðu samband við okkur með tölvupósti á parkinson@parkinson.is eða með því að hringja í síma 552-4440 og við aðstoðum þig við skráningu.

Skráning í tíma í Abler
Skráning í endurhæfingu hjá Takti

Nánari upplýsingar um tímana

Hádegismatur
Léttur hádegismatur í boði. Verð: 1.800 kr. og posi er á staðnum en hægt að er kaupa klippikort fyrir 10 skipti á 15.000 kr. Athugið að nauðsynlegt er að skrá sig í matinn fyrirfram.
Fyrir fólk sem er skráð í þjónustu hjá Takti.

Handavax og heitir bakstrar
Hitameðferð með vaxi sem mýkir liðina. Á meðan vaxið vinnur á höndunum, er slakað á í þægilegum hægindastólum í um það bil 20–30 mínútur.
Fyrir fólk sem er skráð í þjónustu hjá Takti.

Jóga
Liðkandi æfingar fyrir líkamann og slökun til að róa hugann. Æfingarnar eru gerðar standandi, sitjandi eða liggjandi. Þykk jógadýna er til staðar á staðnum en gott er að mæta í þægilegum fatnaði.
Fyrir fólk sem er skráð í þjónustu hjá Takti.

Jóga Nidra
Djúpslökun sem er oft kölluð svefn-jóga þó að markmiðið sé ekki að sofna heldur að ná djúpri slökun, á milli svefns og vöku en með meðvitaðan huga. Jóga Nidra getur haft góð áhrif á svefn, streitu, einbeitingu og andlega líðan. Þátttakendur liggja á dýnu á gólfinu  en þykkar dýnur eru til staðar.
Fyrir fólk sem er skráð í þjónustu hjá Takti.

Karlahópur*
Jafningjastuðningshópur fyrir menn með Parkinson.
Fyrir félagsmenn í Parkinsonsamtökunum.

Kleinukaffi* / Þemakaffi*
Kleinukaffi er pop-up kaffihittingur sem haldinn er um það bil einu sinni í mánuði og er auglýst sérstaklega, aðgangur er ókeypis fyrir félagsmenn. Nokkrum sinnum á ári er þemakaffi eins og Páskakaffi, Öskudagskaffi eða Hrekkjavökukaffi sem er einnig auglýst sérstaklega. Þá er meira lagt í veitingar og skreytingar og verðið er 1.500 kr. á mann en einnig er hægt að nota matarklippikortið.
Fyrir fólk með Parkinson og aðstandendur þeirra.

Konuhópur*
Jafningjastuðningshópur fyrir konur með Parkinson. Allar konur eru hjartanlega velkomnar.
Fyrir félagsmenn í Parkinsonsamtökunum.

Leikfimi
Fjölbreyttar æfingar sem eru gerðar ýmist standandi eða sitjandi.
Fyrir fólk sem er skráð í þjónustu hjá Takti.

Leikur að litum
Vatnslitamálun fyrir byrjendur og lengra komna. Myndlistarkennari leiðbeinir og hefur umsjón með tímunum. Allt sem þarf, eins og litir, penslar og blöð, er til staðar á staðnum.
Fyrir fólk sem er skráð í þjónustu hjá Takti.

Opin vinnustofa
Fjölbreytt iðja þar sem þátttakendur geta komið með eigin handavinnu eða valið úr þeim verkefnum sem eru í boði hverju sinni.
Fyrir fólk sem er skráð í þjónustu hjá Takti.

Opinn tækjasalur og fjölbreytt hreyfing
Tækjasalurinn er opinn og í sumum tímum er boðið upp á ýmiss konar hreyfingu, s.s. boccia og fleira.
Fyrir fólk sem er skráð í þjónustu hjá Takti.

Raddæfingar
Hópþjálfun sem felur í sér raddæfingar til að styrkja röddina og viðhalda góðum raddstyrk.
Fyrir fólk sem er skráð í þjónustu hjá Takti.

Samsöngur*
Söngstund þar sem lögð er áhersla á að styrkja röddina með söng og njóta samverunnar. Engar kröfur eru gerðar um sönggetu eða kunnáttu, allir geta tekið þátt.
Fyrir félagsmenn í Parkinsonsamtökunum.

Slökun
Slökun með ljúfri tónlist í þægilegum hægindastólum í hvíldarherberginu Kyrrð.
Fyrir fólk sem er skráð í þjónustu hjá Takti.

Stuðningshópur fyrir fólk með MSA*
Jafningjastuðningshópur fyrir einstaklinga sem hafa verið greindir með MSA sjúkdóminn og aðstandendur þeirra. Félagsráðgjafi stjórnar umræðum.
Fyrir félagsmenn í Parkinsonsamtökunum.

Stuðningshópur fyrir fólk með Parkinson*
Jafningjastuðningshópur fyrir einstaklinga sem hafa verið greindir með Parkinson. Hjúkrunarfræðingur stýrir umræðum og veitir svör við spurningum um sjúkdóminn. 
Fyrir félagsmenn í Parkinsonsamtökunum.

Stuðningshópur fyrir maka*
Jafningjastuðningshópur fyrir maka einstaklinga með Parkinson. Félagsráðgjafi stýrir umræðum og veitir stuðning og ráðgjöf.
Fyrir maka sem eru félagsmenn í Parkinsonsamtökunum.

* Stjörnumerktir tímar eru opnir fyrir alla félagsmenn í Parkinsonsamtökunum.
Aðrir tímar í stundatöflu er fyrir fólk sem er skráð í endurhæfingu hjá Takti.