Námskeið í djúpslökun

Námskeið fyrir félagsmenn í Parkinsonsamtökunum þar sem farið verður í þætti sem virka við streitutengdum einkennum.

Kenndar verða aðferðir til að dýpka öndun, íhugun (mindfulness) og sjálfsdáleiðslu.

Farið verður yfir mikilvægi innra samtals og hvernig maður styrkir sjálfsmynd sína og innsæi. 

Góð slökun og öndunaræfingar auka blóðflæði líkamans, bæta svefn, losa um kvíða og þunglyndi og koma í veg fyrir bólgutengd einkenni.

Námskeiðið verður haldið á mánudögum í Setrinu, Hátúni 10, kl. 17.30–19.00. Námskeiðið hefst 24. september og verður í fjögur skipti. Aðgangur er ókeypis fyrir félagsmenn í Parkinsonsamtökunum.

Leiðbeinandi er Gunnhildur Heiða Axelsdóttir, fjölskyldufræðingur.

Námskeiðið er unnið í samstarfi við Lauf – félag flogaveikra og Félag nýrnasjúkra.

SKRÁNING