Viltu gerast stuðningsfulltrúi?

Stuðningsnetið er samstarfsvettvangur íslenskra sjúklingafélaga sem byggir á faglegum ferlum við jafningjastuðning við sjúklinga og aðstandendur þeirra.

Parkinsonsamtökin óska eftir sjálfboðaliðum sem vilja gerast stuðningsfulltrúar hjá Stuðningsnetinu.

Verðandi stuðningsfulltrúi fer í gegnum ítarlegt viðtal til að ganga úr skugga um hvort viðkomandi hefur unnið úr eigin málum og er í stakk búinn að aðstoða aðra.

Stuðningsfulltrúar sitja 2 x 4 klukkustunda námskeið í jafningjastuðningi sem byggir á þrautreyndri fyrirmynd frá Krafti, stuðningsfélagi fyrir ungt fólk sem greinst hefur með krabbamein og aðstandendur þeirra.

Skjólstæðingar leitar til Stuðningsnets sjúklingafélaganna í gegnum www.studningsnet.is.

Fagmenntaðir umsjónaraðilar veita skjólstæðingi stuðningsfulltrúa við hæfi að undangengnu viðtali og mati.

Stuðningurinn getur farið fram í síma, tölvupósti eða augliti til auglitis, samkvæmt samkomulagi skjólstæðings við stuðningsfulltrúa.

Umsjónaraðilar afla endurgjafar um hvernig til tókst hjá bæði skjólstæðingi og stuðningsfulltrúa og grípa til viðeigandi ráðstafana ef frávik koma upp.

Stuðningsfulltrúar hljóta viðeigandi símenntun með reglulega millibili.

Viltu gerast stuðningsfulltrúi? Skráðu þig hér.