Viðgerðarþjónusta hjálpartækja

Sjúkratryggingar Íslands hafa gert samninga við sex fyrirtæki á höfuðborgarsvæðinu um viðgerðarþjónustu vegna hjálpartækja. Samningar taka gildi 15. maí nk. Fyrirtækin eru Fastus, Icepharma, Stoð, Títus, Öryggismiðstöðin og Eirberg frá 1. september nk.

Fleiri þjónustuaðilar munu nú sinna viðgerðarþjónustu, aðgengi að verkstæðisþjónustu fer úr 5 tímum á dag í  8-9 tíma auk þess sem boðið verður upp á neyðarþjónustu með öryggisbakvakt til miðnættis við ákveðnar alvarlegar aðstæður.

Sjúkratryggingar Íslands eru einnig með samninga við verkstæði á landsbyggðinni um viðgerðarþjónustu hjálpartækja en þau eru Rafeyri á Akureyri, Rafey á Egilsstöðum, Rafskaut á Ísafirði og Geisli í Vestmannaeyjum.

Nánari upplýsingar má finna á vef Sjúkratrygginga Íslands.