Samsöngur á miðvikudögum

Parkinsonsamtökin ætla að bjóða upp samsöng í vetur, á miðvikudögum kl. 17-18 í Setrinu, Hátúni 10. Bjarki Sveinbjörnsson, tónlistarfræðingur, mun stjórna sönghópnum og sjá um undirleik. Parkinsonsjúkdómurinn hefur oft áhrif á rödd og tal og söngurinn er fyrst og fremst hugsaður sem raddþjálfun og góð skemmtun. Samsöngurinn er ókeypis og öllum opin. Allir félagsmenn, fjölskyldur og vinir eru velkomnir í samsönginn.