Eftir langt og gott sumarfrí erum við að fara af stað með vetrarstarfið.  Líkt og áður byggir starfið á samtakamætti félaganna sjálfra.  Fyrsta opna húsið - nýliðvakt var miðvikudaginn 25. ágúst og verður alla miðvikudaga í vetur frá 17:00-19:00.

Fyrsti laugardagsfundur vetrarins er á dagskrá 4. september. Laugardagsfundir verða 4. september, 2. október, 6. nóvember en desemberfundurinn verður ákveðinn síðar.

Jafningjastuðningsfundir fara af stað 9. september kl:17:00 og verða aðra hverja viku. Fundirnir eru í Hátúni 10b, kaffistofu á jarðhæð.

Gönguhópur byrjar 16. september kl:17:00 og verður hálfsmánaðarlega á móti jafningjastuðningi. Mæting í Hátún 10b. Allir velkomnir

Ítarlegri dagskrá verður auglýst í fréttapésanum og hér á heimasíðunni eftir 4. september.

Allir þeir sem vilja leggja okkur lið í starfinu eru beðnir að láta okkur vita t.d. á fundum, símleiðis eða í tölvupósti eða skrá sig hér. Okkur vantar aðila til að sjá um , skrif á heimasíðuna, fréttapésann og myndatökur úr félagsstarfinu. Einnig vantar alltaf hug og hönd í félagsstarfið sjálft og eigum við verkefni fyrir alla. 

Reykjavíkurmaraþonið er 21.ágúst nk. og eins og undanfarin ár er hægt að hlaupa til styrktar góðgerðarsamtökum eða heita á hlaupara. Rennur þá sú upphæð heitið er á það félag sem valið er.

Parkinsonsamtökin hafa notið góðs af þessu fyrirkomulagi og vonumst við til þess að þið verðið dugleg að minna á okkur og hvetja til þátttöku.

Hægt er að fara inn á heimasíðu Reykjavíkurmaraþons hér

Við erum í sumarskapi og tökum því rólega fram í miðjan ágúst. Vetrarstarfið byrjar af fullum krafti í september. Framundan eru skemmtileg verkefni af ýmsum toga sem allir ættu að geta tekið þátt í. Ennfremur stefnum við að því að stórefla samstarfið á landsvísu.

Hægt er að hafa samband við formann og varaformann á netfanginu posturpsi@gmail.com í sumar og stuðningsráðgjafa félagsins í síma 552 4440

Laugardaginn 15.maí, kl. 13:30 heldur PAN, Parkinsonfélag Akureyrar og nágrennis fund í safnaðarheimili Akureyrarkirkju um raförvun á heilakjörnum.

• Hverjir eiga kost á því að ganga undir slíka aðgerð?
• Hvernig fer slík aðgerð fram?
• Hver er árangurinn?

Ólína Sveinsdóttir, sem í haust gekk undir slíka aðgerð ætlar að segja okkur af sinni reynslu. Fundarefnið skiptir parkinsonsjúklinga miklu máli og ættu aðstandendur ekki heldur að láta þennan fund fram hjá sér fara.  Aðstandendur eru parkinsongreindum mikill stuðningur en þegar kemur að þessu máli eru þeir okkur nauðsyn.  Ekki spillir fyrir kaffi og pönsur sem verða á boðstólum.

Þeir sem vilja kynna sér umfjöllunarefnið geta lesið það hér . Einnig eru mörg myndskeið á www.youtube.com sem hægt er að finna með leitarorðunum „Deep brain stimulation"

Hið árlega golfmót PSÍ verður haldið þriðjudaginn 18. maí kl.16:00 að Bakkakotsvelli.  Golfmótið er öllum opið og hvetjum við alla félaga til að taka þátt.  Hér skráir þú þig á mótið.  Það er tilvalið að skora á aðstandendur og vini sem eiga lítið notuð golfsett að taka sig á og byrja sumarið með stæl.  Við verðum samt að muna að við erum vígalegur hópur og eðlilegt að aðstandendur og vinir þori ekki að keppa við okkur.

 Förum því varlega að þeim og forðumst að kalla þá skræfur.